ازاى بيتك يستعد للصيف

1 year ago

الدنيا بقت حر خلاص و جه الوقت اللي نشيل فيه اغطية الانتريه و الستاير التقيلة و نستبدلها بستاير تانية ملونة و خفيفة و خامات ناعمة و لطيفة اكتر علشان الحر ، وعلشان نستقبل الربيع و الصيف صح ، هنقول على تغييرات ضرورية و بسيطة تعملها فى ديكور البيت علشان تستقبل بيها موسم الصيف

1- الوان

اول و اهم حاجة اضافة الالوان لبيتك، ممكن تغير ما بين اللوحات المبهجة والورود أو الأطباق اللى الوانها فيها حياة عشان تحصل على أسرع تحول ممكن لان الصيف هو وقت الالوان الفاتحة و المبهجة

2- خامات خفيفة

نشيل السجاد التقيل اللى مغطى مساحة الارض كلها و الستاير التقيلة اللى بتمنع الهوا و اغطية المخدات التقيلة و البطاطين و الاغطية الصوف و الفرو و غيرها و استبدلها بخامات تانية اخف زى الستاير الشيفون او الدانتيل و اغطية السرير القطن و السجاد المودرن الخفيف اللى بيغطى مساحة متوسطة من الأرض علشان مايعملش حرارة زايدة جوه البيت.

3-المساحات الخضراء والزهور

ده الوقت المثالي لجلب الهواء الطلق ، لأن كتير من وقتنا في الصيف بنقضيه في الهواء الطلق. مش لازم تستخدم كمية كبيرة من الورد ، فازة بورود بسيطة او نبات ضل تقدر تحطه جوه البيت هيقوم بالمهمة و ينقل جمال الجناين و المساحات الخضرا جوه ..بيتك ببساطة .و كمان لو فازة زجاج الموضوع هيبقى احلى لانها دايما جميلة في أي ديكور أو موسم

4-معدات الاضاءة 

لو كان هدفك هو إضاءة منزلك لفصل الصيف ، فاضافة ضوء ساطع وقوي و يكون أبيض مش أصفر هيسعدك تعمل تغيير كبير  فى ديكور البيت فى الصيف ، و لو مفيش امكانية تجيب جديد ممكن تضيف تعديلات على الابجورات الموجودة عندك  زى انك تزينيها بالورورد الصناعية اللى بنستخدمها مع الملابس او حبات اللولى و الشرايط الملونة هو خيار سريع.

5-الكتابة على الجدران

الموضوع ابسط و اخف من انك تشترى لوح كبيرة اة ضخمة، ولا تغيير ألوان الحيطان كلها، لو بايديك كتبت شوية كلمات  مُلهمة أو كلمات مفضلة ليك، ده كفيل يزيين الحيطان ويديها شكل مميز وجديد  وبدون اية تكاليف تُذكر كمان فكرة ممتازة للصيف

6- تعليق كرسى فى بلكونتك

واحدة من الابتكارات الجديدة و المختلفة فى الصيف انك تغير فى شكل بلكونتك بانك تحط فيها كرسى تعلقه بحبل من السقف يدى لمسة جمالية و روح خفيفة فى الصيف 

7-الزينة وقطع الديكور المصنوعة يدويًا

تجديد مش ُمكلف,وديكور فريد من نوعه, ممكن نفتكر ان الموضوع بس عن الحرف اليدوية الصيفية ، بس الأوسمة الحريرية والإكسسوارات المصنوعة يدوياً هى مناسبة تمامًا للموسم ده. المزج بين الديكور اليدوي والألوان والمواد الطبيعية مع بوهو أو المفروشات المعاصرة بيدى احساس  الصيفية. ادى نعومة لغرفة نومك أو الليفينج عن طريق انك تبدل اللوحات بالاشياء المنسوجة و المعلقة على الحيطة.
 

 

 




Main Categories Designs Daily Prices Popular