Our Blog

نصائح مهمة في اختيار الستائر المناسبة لبيتك

طبعا زي ما كلنا عارفين، في ستات كتير لما تيجي تفرش شقتها وبالذات في اول الجواز بتبقى محتارة تختار الستائر الأول ولا العفش. القرار بيكون محير أحيانا بالنسبالك لأنك ممكن تختاري ستارة وتكون عجباكي جدا وبعد كدة متلاقيش العفش المناسب ليها أو العكس، فالموضوع بيحتاج تفكير كتير ووقت ومجهود ومحتاج كمان يكون خيالك واسع شوية أو عندك حس فني عشان تعرفي تتخيلي الشكل النهائي لشقتك. ولأننا عارفين ان ستات كتير بتقع في الحيرة دي وكتير منهم بيضطروا يلجئوا لمهندسين ديكور عشان يساعدوهم في الاختيار وبالتالي بيصرفوا فلوس كتير ممكن يستفيدوا بيها في حاجات تانية، فاحنا هنوفر عليكي المجهود دة وهنجاوب على سؤالك وهنقولك كمان على شوية نصايح تساعدك في اختيار الستائر الصح لبيتك بالرغم من أن الستائر تعتبر قطعة ديكور مستقلة، الا أن اختيارها بيعتمد على العفش ودة لأن ألوان الستائر لازم تكون متوافقة مع ألوان العفش ولون الأرضية عشان يطلع بيتك شكله حلو ومرتب. ولأن الستائر تعتبر من اللمسات الأخيرة اللي بتضفي جمال لبيتك، فاحنا بننصحك باختيار العفش والتصميم الرئيسي للبيت أولا. بعد كدة لازم تفكري في الاتي:    -نوع الستائر: بعد ما تختاري العفش والديكور، أول حاجة لازم تعمليها هي انك تختاري نوع الستارة المناسبة لديكور بيتك وبتكون يا اما “مودرن” أو “كلاسيك”    -نوع القماش : ودي تاني أهم خطوة بعد ما تحددي الاستايل اللي انتي عايزاه. أنواع القماش بتتنوع بين الأقمشة الفخمة زي القطيفة والمخمل، ودي بتكون مناسبة للصالة لأنها بتكون الوجهة الأولى لاستقبال الضيوف. وفي الأقمشة الأنيقة زي الشانيل، ودي تنفع لغرف النوم، والأقمشة البسيطة زي القطنية ودي بتكون مناسبة أكتر لشبابيك المطبخ ولغرف نوم الأطفال ودة لأن غسيلها بيكون سهل. - مهم أوي انك تختاري قماش كويس بشكل عام، يعني بيتحمل درجات الحرارة العالية ولونه يفضل ثابت مع الغسيل وسهل الفك والتركيب.   -نوع القماش المناسب للديكور:          لو ديكور بيتك كلاسيكي، يبقى الحرير والمخمل والكتان والقطيفة هتكون أكتر أنواع قماش مناسبة ليكي. لو ديكور بيتك مودرن، يبقى القطن هيكون أحسن اختيار ليكي، وممكن تستخدمي الكتان برضه. -لون قماش الستائر: وزي ما قلنا قبل كدة، لون القماش لازم يكون مناسب للون الديكور والأرضية ولون الحوائط وبتتنوع ما بين الألوان الزاهية والألوان الكلاسيكية. -قبل ما تختاري لون الستائر لكل اوضة، لازم تفكري الأول في الإضاءة. لو اوضتك منورة دايما بنور الشمس، يبقى لازم تختاري الستائر البيضاء أو الوردي أو البني.. لو اوضتك مش بيوصلها ضوء كفاية، ممكن ساعتها  -تختاري درجات غامقة زي الرمادي والبني والأخضر والأزرق. -اختاري الألوان الدافئة زي الأحمر والأصفر والأزرق والبرتقالي لو عايزة حجم الشباك يبان أكبر. -لو كان السجاد منقوش ومليان رسومات، اختاري ألوان سادة للستائر. -يفضل استخدام الستائر المنقوشة في الريسيبشن والمنقوشة برسومات واضحة عشان تجذب الانتباه، دة غير انها بتضفي حياة وبهجة في البيت. - لو بتحبي الستائر السادة في الصالة، يبقى استخدمي الستائر الترابية لأنها موضة السنة دي. ستائر المطبخ  بحكم الوظيفة العملية للمطبخ يحتاج اعتماد ستارة نوافذ قليلا من التريث لان تركيب ستارة للمطبخ بشكل اعتباطي دون التنبه الى وظائف المكان سيؤدي في النهاية الى ازالة تلك الستارة للتخلص من اثارها السلبية وهذه بعض القواعد التي يجب مراعتها عند الاختيار ينصح بعدم استخدام بعض الاقمشة كالاصواف وما شابه في صنع ستارة المطبخ وذلك لقدرتها على امتصاص الابخرة الناتجة عن الطهي وبالتالي التشبع بروائح غير مرغوب فيها  استخدام الحاجبات مناسب اكثر خاصة وانها اضافة لمنظهرها الجميل فان الحاجبات ذات الشرائح المعدنية او الخشبية اكثر مرونة وعملية عند استحدامعها في المطبخ خاصة فيما يتعلق بالنظافة  في حال الرغبة باعتماد ستارة من القماش يجب مراعاة ان تكون من قماش غير قابل للاشتعال كالاقطان والا تصل نهاية الستارة الى سطوح العمل او اماكن وجود النار حتى لايتسبب ذلك في مشكلة  من غير المستحب استحدام كثير من الحواشي والاشرطة للزينة لان المطبخ غالبا ما يكون يتسم بالبساطة خاصة اذا كان المطبخ يتسم بالحداثة والتكنولوجيا  على سبيل المثال :  استخدام قماش الخيش لعمل الستارة ويفصل بشكل بسيط جدا ليؤدي غرضه بكل اناقة خصوصا لو وزعت احواض نباتات خضراء حول شباك المطبخ  يمكن ايضا اختيار ستارة المطبخ من قماش يحوي صورا زاهية لبعض الفواكه او الخضر ويفصل من ذات القماش بعد حشوه بالاسفنج اغطية لمقاعد المطبخ وقطع لحمل الاواني الساخنة ومساكات لباب الثلاجة وغير ذلك  اختيار النوافذ تبعا لشكل النافذة : نوافذ بشكل اقواس : من غير المنطقي ان نخفي جمال الاقواس وراء القماش فهذا الشكل يضيف الاناقة والرونق للمكان لذلك فانه من المستحسن اظهار الاقواس والتاكيد عليها بتصميم الستائر على شكل النوافذ نوافذ صغيرة ومتجاورة : يمكن عمل ستائر فريدة لكل نافذة ثم تجمع كل واحدة على طرف النافذة لتشكل بالنهاية توازنا جميلا ومريحا للناظر او يتم عمل ستارة واحدة ممتدة فوق جميع النوافذ لتجمعها كقطعة واحدة نافذة طويلة وضيقة : يمكن الاهتمام بوضع تصميم علوي للحد من طول الشباك اما بقية الستارة فتجمع على طرف واحد من اطراف الشباك وتثبت برباط بسيط نصائح عامة: -اختاري الستائر الثقيلة لغرف النوم والمعيشة لأنها بتحتاج لخصوصية أكبر. غرف النوم بيناسبها نوع الستائر ” البلاك أوت” ودي بتكون مناسبة للناس اللي عندها حساسية من الضوء.  يفضل زيارة الأزهر ووكالة البلح وعين شمس لو ناوية تفصلي الستارة ودة لأنك هتلاقي فيها كل أنواع وألوان القماش اللي نفسك فيها وبأسعار معقولة.

Read More 1 year ago

ماهى الفوائد التى تعود علينا عند استعمال السخان الشمسى؟

توفير ما لا يقل عن 25% من فاتورة الكهرباء فى حالة استخدام السخان الكهربى، أو توفير ثلث قيمة فاتورة الغاز فى حالة استخدام سخان الغاز الطبيعى. تركيب السخان الشمسى يغنى عن تركيب عدة سخانات داخل البيت مما يعتبر توفير مادى مباشر، فمثلا لو أفترضنا أن أسرة صغيرة تسكن فى شقة بها عدد 2 حمام و مطبخ, فهذا يعنى أنه يلزمهم تركيب عدد 3 سخان تقليدى و ما يلزمهم من مصاريف تركيب, و لكن لو قاموا بتركيب سخان شمسى فأنه سخان واحد بسعة 200 لتر سوف يكفى جميع احتياجاتهم اليومية و سوف يحل محل تركيب 3 سخانات. هذا معناه أنه هناك توفير فى التكلفة الابتدائية و أيضاً توفير فى مصاريف التشغيل كما ذكر فى الفقرة السابقة. فى حالة استخدام السخان الشمسى فأنه يكون بمثابة استثمار جيد!!!! حيث ان سعره أصبح فى متناول الجميع, بالاضافة الى أنه عمره الافتراضى طويل, و قد يتعدى ال 25 سنة “هذا فى حالة شراء سخان شمسى ذو جوده عاليه”، و عادة ما يكون فترة استرداد تكاليف تركيب السخان الشمسى فى فترة لا تتجاوز ال ثلاث سنوات, بعدها يكون لدينا مصدر مجانى للحصول على احتياجتنا من الماء الساخن مجاناً بدون أى تكاليف لكهرباء أو غاز طبيعى مدى الحياة . السخان الشمسى أكثر أماناً من استعمال السخان الكهربائى أو من استعمال سخان الغاز الطبيعى، حيث أنه لا يتم تركيبه داخل الشقة, و لكن يتم تركيبه فى أعلى المبنى, و بذلك يكون آمن من الاخطار الكهربية أو أخطار تسرب الغاز……..و بهذا لا يكون لدينا خطر الماس الكهربى, أو الانفجار أو الأختناق لا قدر الله و نكون قد تخلصنا من  أحتمالية تلك الأخطار  المهددة الموجودة فى حالة أستخدام السخانات الأخرى . توفير المكان داخل الحمام و المطبخ “يعطي مساحة أكبر في الحمـام والمطبخ”, و تحسين الشكل الجمالى للمنزل بشكل عام. حيث أن تركيب السخانات الشمسية فوق الاسطح يعطى شكل جمالى رائع، هذا بالاضافة الى عدم وجود السخانات التقليدية داخل الحمام يوفر مساحة أضافية، هذا بالاضافة الى تحسين الشكل الجمالى أيضا للحمام و المطبخ،حيث أن السخان الشمسى لا يتطلب وجود مدخنة مثل سخان الغاز, و التى تؤدى الى تكسير الجدران و تشويه منظرها. وجد أن الشخص  الواحد يحتاج إلى كمية مياه ساخنة من 30 إلى 40 لتر ماء ساخن يوميا للاستحمام و غسيل الوش و الاستخدامات العادية الأخرى .....لذلك السخان ال 160 لتر يكفى 4 أشخاص و ال 200 لتر يكفى 5 أشخاص و ال 300 لتر يكفى ل 7 أشخاص ....و إذا احتاجنا كمية أكبر نقوم تركيب عدة سخانات متصلة ببعضهم على سبيل المثال 2 سخان 200 لتر أو 2 300 لتر و  هكذا   By: Energy-ca للتواصل مع شركة Energy-ca https://www.joudran.com/ar/profile-provider/642

Read More 1 year ago

كيفية توفير المال مع الطاقة الشمسية المنزلية؟

المناخ لم يكن أبدا أفضل للطاقة الشمسية. وفقًا لاستطلاع عام 2015 ، تم اختيار الطاقة الشمسية من قبل نصف أصحاب المنازل كأهم مصدر للطاقة  صافي القياس: بيع الفائض من استهلاكك إلى الشبكة والأخبار مفيدة بشكل خاص لمالكي المنازل ، الذين لا يزال كثير منهم ينظرون إلى الطاقة الشمسية على أنها أبعد من مدى وصولهم المالي أو كمورد لا يزال غير مثبت. تستمر تكاليف الأنظمة الشمسية المنزلية في الهبوط. منذ أن تم تنفيذ الائتمان الضريبي للاستثمار في الطاقة  ، انخفضت تكلفة تركيب الطاقة الشمسية بأكثر من 73 في المائة ، وفقاً لرابطة صناعات الطاقة الشمسية.. لا تزال غير مقتنع؟ تريد أن تعرف المزيد عن كيفية توفير المال الكبير مع الطاقة الشمسية المنزلية؟ واحد من أجدد عناصر الطاقة الشمسية المنزلية هو "القياس الصافي". القياس الصافي هو إعداد الفواتير التي تسمح لأصحاب نظام الطاقة الشمسية لتغذية الفائض من الكهرباء التي تولدها أنظمتها على شبكة المرافق الخاصة بهم الحالية والحصول على الفضل أو دفعها مقابل القيام بذلك . بعبارة أخرى ، يمكن لمالك النظام الشمسي أن يكسب بالفعل الأموال اللازمة لزيادة الطاقة الكهربائية التي ينتجها نظامه. وفي معظم الحالات ، يقوم مالكو المنازل "ببيع" كهرباء نظامهم إلى المرافق أثناء ساعات ذروة الاستخدام و "شراء" الكهرباء التي توفرها المرافق أثناء ساعات الذروة ، مما يؤدي غالبًا إلى تحقيق مكاسب مالية صافية لمالك المنزل. تتم مراقبة العملية برمتها من خلال عداد منزل الأداة الذي سيتم تشغيله للخلف في أي وقت يقوم فيه النظام الشمسي بإدخال الكهرباء إلى الشبكة. ومن هنا فإن مصطلح "القياس الصافي." مفهوم القياس الصافي ليس جديدًا ، بل يعود في الواقع إلى الأيام الأولى لأنظمة الطاقة الشمسية الخاصة عندما تم تنفيذه لتشجيع نمو الطاقة الشمسية. هناك العديد من الأسباب التي تجعل مالكي المنازل يتحولون إلى الطاقة الشمسية ، ولكن تحسين البيئة وخفض تكاليف الطاقة هي الأكثر شيوعًا. يدرك الكثير من الناس أن الطاقة الشمسية هي تحسين كبير للكفاءة المنزلية وهم حريصون على تقليل انبعاثات الكربون الخاصة بهم مع تحسين قيمة العقارات. تقليل أو حتى القضاء على فواتير الكهرباء الخاصة بك. كسب عائد كبير على الاستثمار الخاص بك. حماية ضد ارتفاع تكاليف الطاقة By: Energy-ca للتواصل مع شركة Energy-ca https://www.joudran.com/ar/profile-provider/642

Read More 1 year ago

تفاصيل بسيطة هتفرق معاك وانت بتشطب

ايه هي الحاجات الصغيرة العامة اللي لازم تبقي واخد بالك منها وانت بتشطب ..   أولا: مرحلة التأسيس ودي بتتكون من حاجتين مهمين جدا: تأسيس السباكة تأسيس الكهرباء وعشان هما أهم حاجتين فبالتالي واخدين الجزء الاكبر من الموضوع.   تأسيس السباكة: مرحلة تأسيس السباكة تعتبر من أهم البنود اللي محتاجة تركيز كبير جدا أثناء التنفيذ واختيار الخامة. والاتي اهم الحاجات اللي تاخد بالك منها:   أولا: لازم يبقي معاك رسمة للحمامات والمطبخ موضح عليها بظبط وبالمقاسات أماكن كل حاجة (مثل: الحوض / القواعد / البانيوهات / السخان / الغسالة / غسالة الأطباق / صرف التكييفات). ثانيا: خد بالك من مناسيب المواسير اللي بتتأسس ودا عن طريق (الشرب) وفي الاغلب بتجيبه بميزان خرطوم من صدفة السلم الرخام. طب لو لسا السلم متشطبش ومفيش لسا رخام؟ ساعتها بص علي ماسورة قاعدة الحمام الداخلة من الواجهة او المنور وقم بقياس 25سم منها .. تقريبا دا بيبقي منسوب التشطيب بتاعك. ثالثا:  اهتم جدا بالعزل للحمامات والمطبخ لأن مشاكل القصة دي بتبقي كبيرة جدا علي المدي البعيد .. يفضل عزل الارضيات بألواح الرول البيتومينية سمك 3مم مع عزل الحوائط بالبيتومين السائل المؤكسد (وجهين متعامدين علي بعض) لارتفاع لا يقل عن 2 متر في الحوائط. رابعا: تركز مع المهندس أو الفني عشان كل نوع من الاجهزة الصحية بيبقي ليه طريقة تركيب. (مثال: القواعد المعلقة غير القواعد العادية / البانيو القدم غير الشاور وهكذا ..) وتبقي عارف منه هيعمل ايه بظبط قبل ما يبدأ شغل. خامسا: بعد ما المواسير كلها بتركب لازم تتكبس ويفضل الشركة المصنعة للمواسير هي اللي تيجي تكبس .. الموضوع سهل وبسيط كل ما عليك انك تكلم الشركة تقدم طلب وهيبعتولك حد وبعدها بحوالي أسبوع تروح تستلم الشهادة .. متخليش اللي بينفذلك الشغل يشتغلك ويقولك الكبس بفلوس, الموضوع مجاني ومش بيكلف جنيه واحد .. سادسا وأخيرا: يفضل تشطيب السباكة وتركيب الاجهزة الصحية المختلفة (مثال القاعدة والحوض) في الاخر خالص عشان مفيش حاجة تتكسر. تأسيس الكهرباء: مرحلة تأسيس تأتي في نفس أهمية بند تأسيس السباكة ولازم تاخد بالك وانت بتعملها من الاتي: أولا: لازم يبقي معاك رسمة واضح عليها كل النقط والفيش و أماكن السخانات والغسالات والتكييفات والتليفون والتليفزيون ...الخ ثانيا: خد بالك من مناسيب النقط بتاعتك .. تجيبها ازاي؟ من نفس المنسوب اللي اشتغلت عليه في بند السباكة. ثالثا: وزع نقط بزيادة في المكان وخصوصا في المطبخ .. أولا مش هتخسر كتير .. ثانيا عشان لو فيه ما بعد حبيت تغير حاجة مكان حاجة أو زودت حاجة يبقي معمول حسابها. رابعا: وانت بتشتري الخامة بتاعتك .. يفضل يكون من مكان ذو سمعة طيبة لأن الخامة المضروبة والغير أصلية انتشرت جدا في السوق (أيا كان النوع). خامسا: لازم تبقي عارف ان كل نقطة بتختلف عن الثانية في الحساب .. بمعني ان نقطة الانارة غير نقطة التكييف غير نقطة السخان وهكذا .. اتفق علي كل حاجة من أول يوم. سادسا: لو ناوي تركب سخان فوري .. لازم التغذية تكون بسلك 6مم وليس 3مم كما يعتقد البعض. سابعا: الاجهزة الثقيلة يفضل يكون ليها خط منفصل علي اللوحة مباشرة (مثال: التكييف والغسالة ..الخ) سابعا: متستخسرش في نوع مفاتيح اللوحة ويفضل نوع معروف وذو سمعة .. أحسنلك وأوفرلك علي المدي البعيد. ثامنا: لو ناوي تعمل تعمل جيبسوم بورد في المستقبل .. متنساش تعمل حسابك في المواسير الواصلة لمكان الجيبسوم بورد. تاسعا وأخيرا: لو مجبر علي أماكن حوامل التكييفات زي معظم الكمباوندز في مصر .. يفضل ساعتها انك تأسس مواسير التكييفات بتاعتك قبل أعمال الارضيات والمحارة. ثانيا: مرحلة ما قبل التشطيب وهنا بتبدأ ملامح بيتك تبان وبصفة عامة تتلخص في الاتي: النجارة: تركيب الحلوق. بياض المحارة. الجيبسوم بورد. سيراميك الحمامات والمطابخ. الدهانات. الارضيات. النجارة: الابواب. الالوميتال: شبابيك. النجارة: تركيب الحلوق بعد ما تختار نوع الخشب مع اللي هينفذ .. تاخد بالك من كام حاجة والحلوق بتركب: أولا: لازم توزن الحلوق القوايم والعارضة بميزان المياه وتتأكد انها مظبوتة. ثانيا: اتأكد انها معمولة بعرض يغطي معاك سمك بياض المحارة (عشان يقفلوا علي بعض). ثالثا: اعرف الاول قبل ما تركب هل الباب هيفتح لبرا ولا لجوا وقول للي هينفذ قبل ما يركب. رابعا: تأكد ان يكون جميع العوارض (الجزء اللي بالعرض فوق) لكل الابواب نفس المنسوب ودي بسهولة تعرفها بميزان الخرطوم. بياض المحارة هنا المواصفات اللي بتطلبها من اللي هينفذ هتفرق معاك في السعر .. بس غير السعر فيه حاجات لازم تركز عليها وتاخد بالك منها وهي كالتالي: أولا: اتأكد ان الرمل المستخدم هو رمل نضيف خالي من الشوائب وعلي اد المطلوب بظبط (عشان البياض ميملحش بعد كدا). ثانيا: يفضل طبعا انك تعمل بؤج في الحوائط وزوايا الاعمدة قبل مرحلة ملو البياض وتوزنها بميزان الخيط صح عشان تطلع نتيجة احسن. ثالثا: تربيع الغرف .. ودا بيكون عن طريق انك تقيس الطول والعرض من جميع الاركان في الغرفة وتتأكد انها ثابتة لا تتغير. رابعا: الطريقة المتعارف عليها في الاستلام المبدئي هي بالقدة الالمونيوم (مائل) وليس الخشب (عشان لو مقوس). خامسا: تأكد من عدم بروز علب الكهرباء عن مستوي البياض .. عشان كدا مفضل دايما انك تعمل بؤج قبل مرحلة تأسيس الكهرباء. سادسا: اتأكد من استواء منسوب البياض مع الحلوق الخشب .. عشان متضطرش بعد كدا تركب ربع عمود وتسهل تركيب البرور الخشب. سابعا:  اتأكد ان السقف بتاعك قبل المحارة ان اسلاك الكهرباء مسحوبة فيه أو علي الاقل ان المواسير مش مسدودة عشان متضطرش تكسر حاجة وتعمل مرمات بعد كدا. ثامنا: لو ناوي تعمل بياض مصيص و كرانيش بعد كدا .. اتأكد من وجود التموجات في اخر 20 سم في الحوائط والاسقف بالكامل. (الطبيعي انها تبقي بعمق لا يقل عن 0.5 سم). تاسعا وأخيرا: اتأكد ان فيه سلك شبك (متخليش حد يشتغلك ويقولك ملهاش لزمة) وبيركب في الاماكن التالية: أماكن تكسير مواسير الكهرباء في الحوائط. أماكن تكسير مواسير صرف التكييفات. أماكن تكسير لمواسير تأسيس التكييفات. التقاء الحوائط الطوب بالاعمدة الخرسانة ونفس القصة للكمرات الخرسانة بالحوائط الطوب. الجيبسوم بورد: لازم تبقي فاهم ان الجيبسوم بورد اللي بيركب في الحمامات والمطبخ غير اللي بيركب في باقي البيت وسعره أغلي .. وفي نفس الوقت خد بالك من التالي في البند دا: أولا: متسترخصش في النوع ومتفتكرش انك كدا بتوفر لما تجيب نوع مضروب. ثانيا: ارسم رسمة الجيبسوم بورد قبل ما الشغل يبدأ فيه عشان دايما بيطلع افكار جديدة في البند دا بالذات. ثالثا:  اتأكد ان اللي بيركب في الحمامات والمطبخ هو اللي لونه أخضر. رابعا: أكد علي اللي بينفذ الشغل انه ميكونش فيه اوميجا (العصب الصاج) في نفس أماكن سبوتات الاضاءة اللي هتركب. خامسا: لو بتعمل قواطيع (حوائط) جيبسوم بورد اتاكد ان في فتحات الابواب والشبابيك فيه حلوق خشب مدفونة عشان تعرف بعد كدا تركب الابواب والشبابيك عليهم. سادسا: اتأكد من استواء الزوايا ولازم يركب عند النهايات (ميتال) وشاش عشان البياض مينملش بعد كدا. سيراميك الحمامات والمطابخ: لازم تبقي واخد بالك ان سعر تركيب الارضيات بيفرق عن سعر تركيب الحوائط ولكن في الاغلب بتتحسب متوسط للاتنين مع بعض .. وفي العموم أثناء التركيب حاول تاخد بالك من الاتي: أولا: قبل التركيب علي طول اغسل السيراميك كله بمياه .. ازاي؟ املي البراميل الكبيرة مياه وغطسها جواه واستني بعد كدا ينشف وابدأ بعدها ركب. ثانيا: الحوائط بتركب الاول قبل الارضيات. ثالثا: زوايا السيراميك بتركب اثناء التركيب وليس بعدها. رابعا: لو ابعاد بلاطات السيراميك كبيرة .. يفضل تعمل محارة لحوائط الحمامات والمطبخ الاول بعدها تلزق السيراميك عليها بالمواد المخصصة لكدا. خامسا: تأكد من المناسيب قبل البداية .. عندك كذا شرب تقدر تتأكد منه مش بس تقارن بصدفة السلم الرخام. سادسا: لازم الحوائط كلها تبقي موزونة بخيطان. سابعا: تأكد قبل التركيب ان كل مواسير في الحوائط والسقف مش مسدودة وسلك الكهرباء مسحوب. ثامنا: أكد علي منسوب البيبة (بلاعة الحمام) وانت بتركب الارضيات. تاسعا: أكد علي الميول دايما في اتجاه البيبة بميزان المياه. عاشرا وأخيرا: يفضل يبقي فيه عتبة علي الباب الحمام لفصل المياه عن باقي الشقة. الدهانات: لازم تبقي واخد بالك ان سعر الدهانات العادية بيفرق عن سعر الدهانات الديكور وأن عدد وشوش المعجون بتفرق برضو في السعر .. واثناء الدهان حاول دايما تاخد بالك من الاتي: أولا: يفضل دايما أن تأسيس الدهانات (سيلر + وشوش المعجون) تكون قبل مرحلة تركيب الأرضيات. ثانيا: أول وش في الاول خالص اسمه سيلر مائي. ثالثا: كل وش معجون خليه بلون مختلف. رابعا: خد بالك من الريجة (تموجات صغيرة خشنة) وأتأكد من النعومة. خامسا: لو هتدهن علي الواجهة الخارجية .. لازم تستخدم الدهانات المخصصة ليها وتأكد انها دهانات مقاومة للعوامل الجوية المختلفة. سادسا: يستحسن وانت بشتري بضاعة الدهانات البلاستيك تتأكد انها قابلة للغسيل. سابعا و أخيرا: طبعا الاوفر انك لو عايز لون معين بتضرب الاول الالوان في بعض .. لكن لو حاسس انه اللون مش راضي ييجي .. اعمله كمبيوتر أحسن ساعتها هيبقي أوفرلك وأسرع. تركيب الارضيات: لازم تبقي عارف أن سعر تركيب السيراميك غير البورسيلين وأن سعر تركيب الوزرة بيبقي بالمتر الطولي ودا بيكون اما (الثلاثة متر طولي يساوي سعر المتر المسطح) أو (الاثنين متر طولي يساوي سعر المتر المسطح) .. وبعيدا عن الاسعار تاخد بالك من الحاجات الصغيرة دي: أولا: يفضل دايما أن تأسيس الدهانات (سيلر + وشوش المعجون) تكون قبل مرحلة تركيب الأرضيات. ثانيا: تأكد من الشرب (المنسوب) اللي هيتعمل للارضيات وأكد عليها مع بقية المناسيب (سواء للسباكة / للكهرباء / صدفة السلم الرخام .. الخ). ثالثا: قبل التركيب علي طول اغسل السيراميك كله بمياه .. ازاي؟ املي البراميل الكبيرة مياه وغطسها جواه واستني بعد كدا ينشف وابدأ بعدها ركب. رابعا: اثناء الردم .. تاخد بالك من ان رمل الردم تكون نضيفة وخالية من الشوائب. خامسا: الوزر بيركب بعد الارضية ويفضل يكون متقطع علي ارتفاع 10 سم ودا هيفرق معاك في التهدير. سادسا: وانت بتشتري السيراميك هات بزيادة كرتونة دايما عشان لو حاجة اتكسرت أثناء التركيب متضطرش ترجع تشتري تاني. سابعا: تأكد أثناء استلام السيراميك من المخزن ان يكون كل الكراتين نفس الدرجة (Tone). ثامنا: تأكد دايما من الميول (سواء ناوي تعملها عدلة او بميل) بميزان المياه. تاسعا: حاول تخلي الصنايعية وهما بيخلطوا المونة تكون علي مشمع عشان الارض متشربش مياه ومتنشعش معاك بعد كدا عندك أو عند جارك اللي تحتك. عاشرا و أخيرا: قبل السقية لازم الارض تكون نضيفة من التراب وتتأكد ان اللحامات كلها نفس المقاس. النجارة (الابواب): مرحلة تركيب الابواب يفضل دايما تبقي بعد تركيب الارضيات عشان المقاسات تتاخد صح وبالضبط علي المناسيب النهائية .. وبعد ما تختار الاشكال اللي عايزها مع المهندس او النجار خد بالك بس من الحاجات الصغيرة دي ..   أولا: بنسبة كبيرة كل الابواب (عدا باب الشقة) ايا كان اختلاف مقاسها بتبقي قريبة من بعض في السعر .. الا لو حاسب الرجل بالمتر المسطح دي قصة تانية. ثانيا: لو هتركب باب مصفح لباب الشقة خد بالك لأن مقاسات الابواب المصفحة بتبقي ثابتة .. فبالتالي شوف مقاسات اللي عندك الاول عشان تشوف لو ناوي توسع فاتحة الباب أو تصغرها. ثالثا: خبط علي الباب بايدك قبل ما تستلمه وشوفه خفيف ولا تقيل. رابعا: أكد علي الرجل انه يجيب الباب وهو علي لونه الطبيعي ميدهنش حاجة قبل ما ييجي .. عشان لو فيه عيوب تقدر تشوفها الأول. خامسا: اتأكد ان الابواب بعد ما تركب متكونش منورة .. يعني ايه؟ يعني ما تشوفش من وراها نور سواء من النص او الأجناب. سادسا: حاول دايما متقللش المفصلات عن (3) .. ولو باب كبير خليه (4) مفصلات عشان الابواب متريحش بعد كدا ومتسخصرش المفصلة مش هتزيد عن 20 جنيه. الألوميتال (الشبابيك): لازم تبقي عارف ان اسعار الالوميتال في مصر عليت الفترة اللي فاتت وحاجات كتيرة جدا بتفرق في السعر .. بعيدا عن الاسعار تاخد بالك من الحاجات المهمة دي .. أولا: كل ما وزن القطاع يبقي اتقل كل ما كان يبقي احسن (جرب ترفعه بايدك). ثانيا: حتي لو مش ناوي تركب ضلفة سلك خليه يعمل حسابه في المجري بتاعه عشان لو عايز تعملها في المستقبل تبقي سهلة وعلي التركيب علي طول. ثالثا: الزجاج المزدوج مينفعش علي القطاع البي اس الصغير. رابعا: لو عندك طوب مفرغ علي الاطراف .. ركب حلق خشب الاول عشان الرجل يعرف يظبط الالوميتال. خامسا: اتأكد من الكاوتش الاسود انه راكب مظبوط ومكبوس كويس. سادسا: لو هيتعمل نص دايرة في الشباك .. اعرف ان دي بسعر منفصل عن سعر المتر المسطح نفسه (من 300 الي 400 جنيه للشباك الواحد). سابعا وأخيرا: مستخسرش في جودة ونوعية الاكسسوارات حتي لو أغلي شوية لأن دي هتوفر عليك في المستقبل.

Read More 1 year ago

اتفق صح عشان تستلم صح

اتفق صح ..علشان تستلم صح _________________ فى تصنيع الأثاث لما تتفق ... اتفق صح علشان تستلم صح ولما تلاقى فرق الأسعار مثير للدهشة لازم تسأل تانى وتطلب مواصفات وعينات ومهم ثقتك تكون مبنيه على زيارات ومشاهدات أو تزكية من نثق بهم ويمكن الرجوع إليهم طبعا مفيش حد معصوم من الخطأ أو السهو لكن اللى بيفرق شخص محترم عن غيره هو سرعة الاستجابة وعدم المكابره ..، والورشه أو المصنع اللى هاينفذ لك مهم يكون مبين من البدايه خاماته ومواصفاته وسابقة أعماله بتوضيح كاف للفروق بين الأغلى والأرخص من ناحية الجوده والعمر الافتراضى وفى حالة إسناد الأمر إلى مهندس وهو انحياز جيد إذا أحسنا الاختيار فمن الضرورى يكون متسق مع نفسه وصريح مع العميل ويكون انحيازه طول الوقت لــ" منفذى البنود " ( الأكثر خبرة ) حتى لو أسعارهم أغلى ويكون حريص على اتفاق عادل وواضح لأن معظم المشاكل بتيجى من غموض العلاقه أو حد ياخد صوره من حضرتك أو تصميم ، ويفضل يدوّر ( بغض النظر عن الجوده ) عن حد ينفذ له بسعر رخيص علشان يقدر يطلع منه نسبة جائرة وغير مقبوله فى سوق العمل وبالتأكيد التخفيض المذكور الجائر ده بيتحمل على جودة الخامات والمستوى النهائى لذلك .... تابعوا أعمالكم بمراحلها واحذروا شخصية ( القومسيونجى ) فى كل المهن لأنها أساءت لصورة المجتهدين ______________ أ/ سامى الغباشى ..................... #أتيليه_النحات الصفحة الرسمية على جدران  https://www.joudran.com/ar/profile-provider/472

Read More 1 year ago

ثقافة الخشب الزان

قوايم زان الكلمه اللي بيضحك بيها علي كل عميل طالب شغل نجاره ,اتربينا علي ان الزان احسن حاجه في الحياه , خليني مبدئيا احبطك عشان تكمل البوست وانت محبط كده واقولك ان الكلام ده ملوش اساس من الصحه اولا:- معظم الشغل دلوقتي مودرن والترا مودرن مفيش فيه قوايم , ايوه زي ما بقولك مفيش فيه قوايم , امال النجار هيعمل انهي قوايم ؟ النجار هيحط قشاط زان علي الجنب او الدرفه او الرف , ودي من اساسيات الشغل .   ثانيا:- مفيش حاجه اسمها دريسنج او مطبخ زان لان ده زيف وكدب مش اكتر , المطابخ والدريسنج اللي بالخشب الطبيعي يا كونتر يا اما كبس وطبعا كل حاجه وليه انواعها .   ثالثا :- الخشب الزان الللي متواجد حاليا ف السوق فيه نسبه رطوبه يعني مش مجفف , يعني هيعمل ايه يعني ؟ يعني هيجي مع الوقت المياه اللي فيه تنشف بعد ما حضرتك تستلم منتجك بفتره وتبدأ حركه جزيئات الخشب المكونه للالياف تتحرك , وتسيب وراها تنميل ف الدهان , واحيانا تفكيك في التجميعات (الكلام ده بيبان اكتر في الكراسي والترابيزات ) .   رابعا:- في نوع خشب مش واخد حقه وهي خشب الماهوجني او الموجنه , سعر المتر يتراوح ما بين 11000 ل 14000 واللي بالمناسبه يفرق ع الزان 1000 جنيه ف المتر حيث ان متر الزان يتراوح ما بين (10000 ل 13500 ) , والاحلي م الاتنين الخشب العزيزي او البيتش باين وسعره يتراوح ما بين (12500 ل 16000 جنيه) . خامسا :- ارجو نطلع بره ثقافه الزان واللي بيها اديتوا فرصه لبعض مضللي الحقيقه انهم يلطعوا كلمه زان في اي منتج عشان العميل يطمن وخلاص . بقلم أ: سامح رضا صفحته الرسمية على جدران  https://www.joudran.com/ar/profile-provider/572  

Read More 1 year ago

فن النحت

السلام عليكم ورحمه الله  تحياتي للجميع  انا محمد محمود بركات . احب ان ابدا كلامي بان اترحم علي والدي الحاج محمود بركات الذي كان السبب في تعلمي مهنه الموبيليا والابداع فيها والغوص في عالمها بكل قوانينها وتعريفاتها فبلاشك انها من اقدم وافن المهن. وقد وجدت في نفسي الميل لتعليم فن النحت وليس الاويما، فالاويما مهنه فنيه تم تعليمها علي بعض الاسس والقواعد وبعدها يبدا العمل فيها كما تعلمها وبعضهم له بعض الميول الفنيه ويقوم باتقانها واخراج الزخارف بشكل ناعم ومنسق وله ابعاد . ولكن فن النحت يتمتع به الفنان ليمارس به اعمال فنيه بحته كالتماثيل والحيوانات والزهور وغيرها من الاشكال بحيث يخرج عمل مفصل يميل للواقع بدقه عاليه وروح فنان . وعندما يجتمع خبره الموبيليا بالنحت وادراك نوعيه الاخشاب وكيفية النحت عليها يكون اخراج العمل مميزا وله طابع فني اكثر منه كقطعة اثاث للاستخدام ليس الا ولا تجد بها اي لفت نظر لعمل فني متميز. كما ان اعمال الموبيليا مهما غلي سعرها لاتقارن فئتها كموبيليا الاان سعرها ينقص مع الوقت ، ولكن في حالة ان الاعمال بها اخراج وفن وابداع واتقان عالي ومقاسات متناسقه هنا امتلكت قطعه اثاث فنيه ولها قيمه وليس كثير من الناس تفهم هذا المعني او هذه الاعمال. ولذا يجب اختيارقطعه الاثاث بعنايه وبنظره بها احساس ومعني يليق بالمكان التي ستوضع فيه ويجب النظرعلي ان تكون متميزه ولايتمتع بهاغيرك وهذا الكلام لعشاق الاثاث والتميز والفخامه.   تحياتي: جاليري بركات لتتفيذ الاعمال والموبيليا المتميزه

Read More 1 year ago

عايز تعمل مطبخ بس مش عارف ايه احسن خامات؟

عايز تعمل مطبخ بس مش عارف ايه احسن خامات ؟ و ايه الفرق بينهم و الاحسن لشقتك ؟ ده بوست بسيط كده بيشرح مميزات بعض خامات المطابخ وبعض الفروقات بين الخامات وبعضها BY: مهندس محمد درويش  المطابخ الالومنيوم هو مطبخ معدنى يتم تصنيعه من علب من خامة الالومنيوم اما الارفف والاجناب من علب الومنيوم وتقفيلات فايبر والضلف لها اكتر من نوع منها وكلهم تكون العلبه نفسها مع اختلاف شكل الفايبر. الخشمونيوم وحاليا توجد قطاعات اماراتى وهى اخف فى الوزن واقل فى الكثافه والتخانه والسعر واقل جوده كثيرا علشان كده دايما بنحذر العملاء من الاسعار القليله اللى ممكن تكون بالخامات دى وللاسف العميل ما بيعرفش الا بعد الصيانات.. اما الضلف واشكالها تنقسم الى  - الفايبر او الدبل فايبر وده من اكتر الانواع انتشارا لانه ارخصهم وهو جيد لكنه ليس الافضل ويوجد المصرى والسورى والسعودى منه والافضل   . سالوميل الشرائح هو مطبخ يتم عمل الضلفه من علب الومنيوم بمقاسات مختلفه للحصول على الشكل المطلوب -الخشمونيوم هو من اكثرهم انتشارا واعلاهم سعرا وهو عباره عن ضلفه عليها شيت الومنيوم ويتم دهانه بالوان لها تأثير خشبى للحصول على شكل قريب من الخشب و المطبخ الالومنيوم شيت هو نفسه ولكن بالوان ساده . الكلادينج هو احدث المطابخ ويتم عمل الضلف بفريم رفيع مع عمل الحشو من خامة الكلادينج وهى عباره عن 2 شين الومنيوم وبينهم بولى ايثيلين وهو من افضل الانواع حاليا وله الوان كثيره لامع ومطفى ورسومات  -المطابخ الخشب الطبيعى زى الارو والبيتش باين ودى خامات بقيمه عاليه وسعر عالى لكنها ممتازه طبعا   الاكريليك هى من خامات المونمر وبيتم سحبها علشان تبقى شيتات وبيتم كبسها على خشب ام دى اف وبتيجى مكبوسه من تركيا وبتكون درجات لمعانها وشكلها الجمالى جيد جدا وحاليا فى منها بيتم كبسها فى مصر ولكن ليه مشاكله لكن للأسف عيب الاكريليك انه سهل الخدش ولا ننصح بيه حاليا  البولى لاك فهو من الالواح الصديقه للبيئه وهى لها درجة لمعان بتزيد عن 92 ومقاومه للحراره وبتصل الى 120 ومقاومه للرطوبه وطبعا واخد شهادات الايزو وشهادات الصحه ومن افضل الخامات الى بتستخدم للمطابخ مع اليو فى لاك وبيتم كبسه فى تركيا على ام دى اف اسبانى   poly vinyl chloride  البى فى سى فهى من الخامات المصنعه وهى اختصار وهى مقاومه للمياه والحراره والرطوبه لكن سهلة الخدش وبيتم كبسها على ام دى اف     الاتش بى هو تطوير لخامة الفرومايكا هو والبوست فورمينج (مع اضافه عمليات زائده للبوست فورمينج علشان يلف على حرف الضلفه)وهو فى منه الالمانى والهندى والمصرى وبيتم كبسه على خشب كونتر ويفضل انه يكون من افضل الانواع علشان عيوبه ما تبانش مع الخامه وهو من افضل الانواع اللى بتستخدم للمطابخ لارتفاع مقاومته للخدش وللحراره وكذلك كبسه على كونتر بيعطيه اضافه - الباور جلوس هو من انتاج شركةAGT وهو من المنتجات الجيده فى المطابخ ويتحمل الخدش  الى 4 نيوتن وهى مقاومه للحراره والرطوبه والوانها كثيره   اللامى جلوس هو من افضل الانواع المستخدمه فى المطابخ ويتحمل الخدش لدرجة 4 نيوتن وهو مقاوم للحراره والرطوبه وله درجة لمعان عاليه  اليو فى لاك هو احد افضل المنتجات على الاطلاق وله درجة لمعان عاليه وهو من انتاج شركة باكيش اكريليك وهو مقاوم للحراره والرطوبه ويتم كبسه على خشب mdf من افضل الانواع طريقة الحساب بتختلف من شركه لأخرى والطرق هى المتر المربع وهى الاسهل والافضل فى الحساب والمتر الطولى والوحدات وهى النظام المتعارف عليه فى معظم دول العالم وبالنسبه للاسعار فهى بتختلف من مكان لاخر ومن شركه لأخرى

Read More 1 year ago

الفرق بين البى فى سى والخشب والالومونيوم

من أهم الحاجات اللى تفكر فيها و انت بتختار شبابيك لشقتك هى انك تعرف ايه الخامة الاحسن ليك, خشب ولا الامونيوم ولا بى فى سى, احنا  هنا هنعرفك الفرق بينهم و القرار فى الاخر ليك انك تشوف ايه الانسب.. العزل الحرارى -1 توفير فى التكييف و التدفئة ( عزل عالى للحرارة ): PVC المونيوم : اهدار للتكييف و التدفئة ( موصل للحرارة ) خشب : توفير فى التكييف و التدفئة ( عزل عالى للحرارة )   عزل الضوضاء-2    عازل قوى للضوضاء: PVC المونيوم : موصل و ناقل للضوضاء خشب : عازل قوى للضوضاء    مقاومة العوامل الجوية و الحشرات-3 توفير فى الصيانة ( لا يصدأ ) و لا يتأثر بالعوامل الجوية مثل الرطوبة و الأمطار: PVC المونيوم : يحتاج الى اعادة طلائه بعد فترة مع امكانية التقشير و سهولة الخدش و بهتان اللون حيث انه يتأثر بالمياه و الرطوبة التى تحوى املاح خشب : بهتان فى الألوان و يجب اعادة دهانه بإستمرار كما انه يتشرب بالماء مما يعرضه للتلف كما تتلفه الحشرات   عمر-4 تدوم لمدة طويلة بسبب مقاومتها لعوامل الأكسدة , الحشرات , المياه و الرطوبة و الحراراة: PVC المونيوم : تدوم لمدة اقل و تتأثر بالعوامل المناخية , مقاومة اقل للصدمات خشب : تدوم لمدة اقل , صيانة اكثر , قابلة للإشتعال و الحريق غير مقاومة للحشرات , يتلف بتشربه للماء او الرطوبة و الأملاح و التلوث , و الإنشقاقات و التكسر , مقاومة اقل للصدمات   عزل الكهرباء-5 آمن , عازل تام للكهرباء: PVC المونيوم : موصل جيد للكهرباء خشب : عازل تام للكهرباء , الا فى حالة تكسيته لمواد موصلة للكهربا

Read More 1 year ago

باب مصفح ولا باب حديد على باب خشب ؟

باب مصفح ولا باب حديد على باب خشب ؟؟ . نتكلم من الاختلاف فى السعر*  انت لما بتجيب باب شقة خشب كويس (خشب+دهان+حلق+اكسسورات كاملة) بيكلف حوالى 3000 جنيه وده متوسط عشان فى أبواب خشب أغلى من المصفح . بعد كده علشان نحس بالأمان أكتر وأكتر تروح مركب باب حديد تانى على الباب الخشب يعمل حوالى 2000جنيه ده غير طبعا قرف تركيبه واشكاله القديمة وانه بيصدى وبيترب جامد تعالى نشوف سعر الباب المصفح سعره بيبدا من  6000 جنيه ومعاه شكل جميل جميع الاكسسورات الباب مظبوط بالملى بيمنع دخول الأتربة والحشرات لانه معزول كويس جدا نتكلم من ناحية الجمال * الباب المصفح ليه اشكال كتييرة جدا مختلفة ومتماشية مع الموضة بيفتحلك مجال تختار المودل اللي يعجبك أحسنهم التركي وأسوءهم الصيني ... على عكس الباب الخشب اللي اشكاله محدودة دا غير ان الباب الحديد بيشوه شكل الخشب اللي وراه

Read More 1 year ago
Main Categories Designs Daily Prices Popular